“BİR ADAM YOL GEDİR, BİZDƏN QABAQDA...” | Yeni Musavat

“BİR ADAM YOL GEDİR, BİZDƏN QABAQDA...” | Yeni Musavat

02.11.2009 [00:39]
“BİR ADAM YOL GEDİR, BİZDƏN QABAQDA...”

Bu misralar böyük şairimiz Məmməd İsmayılın həyatı kimi, yubiley tədbirinin də leytmotivi idi
Ramiz Rövşən: “Məmməd, mən Füzuli yaşını keçdim, sən də Nizami...”

Dünən Aktyorlar Evində böyük şairimiz Məmməd İsmayılın yaradıcılıq gecəsi keçirildi. 70 illiyi qeyd olunan yubilyarın musiqili məclisinə xeyli tanınmış simalar toplaşmışdı. Publisist Məti Osmanoğlu şairin məşhur “Bir adam yol gedir, bizdən qabaqda” şeirini aşıq Zülfiyyənin müşayiəti ilə ifa etdi. Sonra şairin yaradıcılıq gecəsinə yığışan sənət dostları onun barəsində ürək sözlərini bildirdilər.

Tovuz Ağsaqqallar Şurasının sədri, professor Müseyib Müseyibov 20 il əvvəl öz doğma rayonlarının müdafiəsində Məmməd İsmayılın vətən üçün göstərdiyi xidmətlərdən danışdı: “Onun vətənpərvərliyi bəlkə də çox ziyalılarımızda yoxdur. Məmməd tək ədəbiyyatımıza yox, vətənimizə də böyük xidmətlər göstərib. Mən onun mərdliyini, kişiliyini yüksək dəyərləndirirəm, Azərbaycan müəllimləri, şagirdləri, tələbələri, ziyalıları adından ”Məmməd, sənə eşq olsun!" deyirəm".
Xalq artisti Flora Kərimova Məmməd İsmayılı “müasir Azərbaycan şeiriyyətinin beş-altı tanınmış simalarından biri” adlandırdı: “Mən bu şairin simasında çökməməyi, mərdliyi öyrəndim”.
Məmməd İsmayılın yubileyinə xeyli tanınmış simalar toplaşıbQürbət həyatı yaşayan şairə “Gəzdiyiniz torpaq çox mübarək olsun!” deyə bildirərək onun “Həsrətimi çəkərsən” şeirinə bəstələnmiş yeni mahnını oxudu.
Professor Nəsir Əhmədli isə M.İsmayılın tərcümeyi-halının görünməyən tərəflərindən söz açdı: “Koroğlu” dastanında incə bir məqam var, sanki Koroğlu yoxdan var olub; dastanda onun anasından söz açılmır. Məmməd İsmayıl da sanki yoxdan var olub; çoxları bilmir, Məmmədin anası onun atası Mürşüd kişidən əvvəl iki dəfə ərdə olub, övladı olmaması səbəbindən ailəsi dağılıb. Mürşüd kişi ona ailə qurmaq təklif edəndə qadın qayıdıb ki, mənim övladım olmur. O zaman Mürşüd kişi müdrik bir cavab verib: Allah yoxdan da var edir. Elə belə də olur. İki il sonra Məmməd dünyaya gəlir və yaş yarımlıq olanda atası Böyük Vətən müharibəsinə çağırılır. Məmməd yetimçiliklə, olduqca ağır güzəranla böyüyür. Məmməd təkcə şair deyil, o həm də ssenarist, yazıçı, publisistdir, neçə-neçə romanlar müəllifidir ".
“Aşıq Pəri”nin “qızları” şairi təbrik edirNəsir Əhmədlinin M. İsmayılın davamçısı kimi təqdim etdiyi “Respublika gəncləri” qəzetinin redaktoru Elçin Məmmədli şairin şeirlərinin təhlilinin mümkün olmamasından danışdı: “Mərhum şairimiz Bəxtiyar Vahabzadə deyib ki, Məmməd İsmayılın şeirləri ağıla söykənsəydi, onu təhlil etmək mümkün olardı, amma onun şeirləri hisslərə söykəndiyindən gərək Məmməd kimi olasan, bu isə mümkün deyil”.
Sonra o, şairin “Haradasan, ay baba dərviş” şeirini oxudu.
Aşıq xanımlar - Gülarə, Zülfiyyə, Kəmalə, Solmaz “Aşıq Pəri” məclisi adından şairi aşıq mahnıları ilə salamladılar.
Qeyd edək ki, tədbirə şairin Rusiyadan da qonağı qatılmışdı. Onun şeirlərini rus dilinə tərcümə edən tanınmış rus şairi Mixail Sinelnikov M.İsmayılın yaradıcılığından söz saldı. “Mən Məmmədi hər zaman yalnız həqiqi, anadangəlmə şair kimi yox, həm də çox güclü və xeyirxah bir şəxsiyyət kimi sevmişəm” - deyən M. Sinelnikov çıxışını bu sözlərlə bitirdi: “Məmməd, sənin şeirlərin təkcə Moskva ədəbi mühitində deyil, Peterburqda da sevilə-sevilə oxunur”.
Müğənni Mətanət İsgəndərli bəstəkar Nadir Əzimovun şairin “Bir gün” şeirinə bəstələdiyi mahnını oxudu. İfadan sonra şairin Çanaqqalada (Türkiyə) yaşadığı qürbət həyatına eyhamla “çox arzu edərdim ki, tez-tez Azərbaycanda görünəsiniz, Məmməd müəllim”, dedi.
Rus şairi Mixail Sinelnikov yubilyarı təbrik edərkənŞair Ramiz Rövşən həmkarının adı və yaşı barədə xüsusi danışdı: “Məmmədin adı bizim sevimli peyğəmbərimiz Məhəmməd peyğəmbərin adını daşıyır. XX əsrin əvvəlində Məhəmməd adını daşıyan iki böyük şəxsiyyət olub: Məhəmməd Əmin və Məhəmməd Hadi. Əsrin sonunda isə bu adı doğruldan iki böyük şəxsiyyətdən biri Məmməd Araz, digəri Məmməd İsmayıldır. Məmməd, mən Füzuli yaşını keçdim, sən də Nizami. Arzu edərdim ki, sən Aşıq Ələsgər yaşını da ötəsən və özünəməxsus bir yaşın olsun. Azərbaycanda ana, ata mövzusunda beş qiymətli şeir varsa, onun biri Məmmədindir. Məmməd, sənin işığına bu qədər insan toplaşıbsa, deməli, tənha deyilsən”.
R.Rövşən yeni yazdığı bir şeirini Məmməd İsmayıla ithaf etdiyini söylədi. Şairin dilənən ağsaçlı bir qarıya ithaf etdiyi yeni şeiri bütün zalı ayağa qaldırdı.
Sonra gənc ifaçı Rövşən Əziz bəstəkar Oqtay Rəcəbovun şairin “Yaman darıxmışam səninçün, ana” şeirinə bəstələdiyi mahnını oxudu. Mahnının tarixçəsindən danışan bəstəkar Oqtay Rəcəbov şairin bu şeiri 1981-ci ildə ağır xəstəlikdən dünyasını dəyişən anasına ithaf etdiyini söylədi. Sonra isə bildirdi ki, onun rəhbərliyi ilə xeyli musiqiçi uşaq şairin şeirlərinə bəstələnmiş mahnıları oxuyur: “Milyon yarım uşaq sənin şeirlərini musiqi dərsliklərindən öyrənir. ”Səndən xəbərsiz" şeirinə mahnı yazıldı, teleserial çəkildi. Sən tək şair deyilsən, məncə, həm də filosofsan, psixoloqsan".
Gənc müğənni Aynur İsgəndərli sözləri Məmməd İsmayıla, musiqisi Oqtay Rəcəbova məxsus “Məhəbbət” mahnısını ifa etdi. Aşıq Azər Xanlaroğlu sazda “Yol ver, türkün bayrağına”, “Qoca qartal” mahnılarını ifa etdi. Onun ardınca şair “Azər, sənin bu çalğın yadıma ”Türkün sevgisi" şeirini saldı" dedi. Sonra şair zalda gəzişə-gəzişə bu gözəl şeirni oxudu:

“Tanrı dağlarından enib gəlibdi,
Bozqırda Boz Qurda dönüb gəlibdi.
O yurddan bu yurda dönüb gəlibdi,
Hicran sevgisidir, sürgün sevgisi,
Türkün sevgisi... ".

Musa Yaqub isə həmkarına ithaf etdiyi “Haradasan, a Məmməd İsmayıl” şeirini oxudu.
Sonda Tovuz aşıqları səhnəyə çıxıb şairin yaradıcılığından xeyli mahnı oxudular. Qeyd edək ki, M.İsmayılın 70 illik yubiley gecəsini İctimai Televiziya və Radio Yayımları Şirkəti lentə aldı. Şairin 70 yaşını biz də “Yeni Müsavat” ailəsi adından təbrik edirik, ona bəstəkar Oqtay Rəcəbovun təbirincə desək, “70, 80, 90 və sair, sair... ömür” arzu edirik.

S.HİLALQIZI

771 dəfə baxılıb

ŞAHMATÇILARIMIZ AVROPA ÇEMPİONU OLDULAR | Yeni Musavat

ŞAHMATÇILARIMIZ AVROPA ÇEMPİONU OLDULAR | Yeni Musavat

31.10.2009 [13:53]
ŞAHMATÇILARIMIZ AVROPA ÇEMPİONU OLDULAR

Serbiyanın Novi Sad şəhərində şahmat üzrə komandalararası Avropa çempionatına bu gün yekun vurulub. Yarışın sonuncu turu Azərbaycanın kişilərdən ibarət yığması üçün çox önəmli olub.

Axırıncı turun nəticəsindən asılı olaraq, milli komandamız çempion, yaxud gümüş medalçı və ya bürünc mükafatçı olacaqdı. Hər halda, bu gün hollandlarla görüşdə qazanacağımız bir xal sayəsində ən azı gümüş medala sahib çıxacaqdıq. Lakin komandamız möhtəşəm uğura imza atıb. Son turda Rusiya gözlənilmədən İspaniya ilə heç-heçə oynayıb. Azərbaycan isə hollandları üstələməklə, tarixində ilk dəfə Avropa çempionu tituluna sahib çıxıb.

IX tur Kişilər

Hollandiya - Azərbaycan - 1,5:2,5
Yan Smits (2642) - Teymur Rəcəbov (2757) - 0,5:0,5
Daniel Stelvagen (2630) - Vüqar Həşimov (2740) - 0:1
Ervin Lami (2606) - Şəhriyar Məmmədyarov (2721) - 0,5:0,5
Saypk Ernst (2589) - Rauf Məmmədov (2626) - 0,5:0,5

Turnir cədvəli: Azərbaycan 15 xal, Rusiya 14, Ukrayna 13.

Xanımlarımız isə qitə çempionatını dördüncü yerdə başa vurub. Yığmamız Ukrayna ilə eyni miqdarda, yəni 12 xal toplasa da əlavə əmsallara görə, ukraynalılar üçüncü yeri tutub. Rusiya birinci, Gürcüstan isə ikinci olub.

Qadınlar

Sloveniya - Azərbaycan - 1,5:2,5
Anna Muziçuk (2533) - Zeynəb Məmmədyarova (2285) - 1:0
Yana Kriveç (2329) - Nərmin Kazımova (2228) - 0,5:0,5
Ana Srebrniç (2267) - Türkan Məmmədyarova (2233) - 0:1
Vesna Roziç (2240) - Xəyalə İsgəndərova (2212) - 0:1



anspress

150 dəfə baxılıb

“QARABAĞ HƏM DƏ TÜRKİYƏNİN TORPAĞIDIR” | Yeni Musavat

“QARABAĞ HƏM DƏ TÜRKİYƏNİN TORPAĞIDIR” | Yeni Musavat

31.10.2009 [01:02]
“QARABAĞ HƏM DƏ TÜRKİYƏNİN TORPAĞIDIR”

Müsavat başqanı "CNN-Türk"də çıxış etdi

Oktyabrın 29-dan Türkiyədə səfərdə olan Müsavat Partiyasının başqanı İsa Qəmbər bir sıra ictimai-siyasi dairələrdə görüşlər keçirir, elektron KİV quruluşlarında çıxışlar edir, yazılı mətbuata müsahibələr verir.

Dünən axşam İsa bəylə əlaqə saxlayıb səfəri ilə bağlı son məlumatları almaq istədik. Başqanın cavabı qısa oldu: “Önəmli görüşlərimiz, müzakirələrimiz olur. Qayıdanda bu barədə ətraflı söhbət edərik”.
Dünən Bakı vaxtı ilə saat 23-də Müsavat başqanı Türkiyədə və regionda ən nüfuzlu və geniş auditoriyalı telekanalda- "CNN-Türk"də Taha Akyolun müəllifi olduğu “Əyrisi-doğrusu” proqramının qonağı olub.
İ.Qəmbər çıxışında Türkiyə Cümhuriyyətinin yaradılmasının ildönümü münasibəti ilə bütün türk dünyasını təbrik edib. Bursadakı oyuna Azərbaycan bayrağının buraxılmamasını yanlış hesab edən başqan, hakimiyyətin də Şəhidlər Xiyabanından Türkiyə bayraqlarını endirməsinin ciddi səhv olduğunu söyləyib. Tarixə ekskurs edən İ.Qəmbər 1918-ci ildə Şərqdə ilk türk cümhuriyyətinin yaranmasında Qafqaz İslam Ordusunun mühüm rolunun olduğunu deyib.
Azərbaycanda demokratiyanın vəziyyətindən danışan Müsavat başqanı ölkədə keçirilən bütün seçkilərin saxtalaşdırıldığını söyləyib. Türkiyə-Ermənistan protokollarına gəlincə, rəsmi Ankaranın bu məsələdə riskli siyasət apardığını və sərhədlərin açılmasının Qarabağ probleminin həllinə mənfi təsir edəcəyini bildirib. Başqan deyib ki, Qarabağ həm də Türkiyənin torpağıdır. İ.Qəmbər Türkiyə rəsmilərini Bakıda olarkən ölkə müxalifəti ilə görüşməyə çağırıb.

Etibar SEYİDAĞA

862 dəfə baxılıb

RÖVNƏQ ABDULLAYEVİN ŞOK FUTBOL MAXİNASİYALARI | Yeni Musavat

RÖVNƏQ ABDULLAYEVİN ŞOK FUTBOL MAXİNASİYALARI | Yeni Musavat

29.10.2009 [10:19]
RÖVNƏQ ABDULLAYEVİN ŞOK FUTBOL MAXİNASİYALARI

ARDNŞ prezidentinin içindəki futbol sevgisi...
Lixtenşteyn və Rusiya oyunlarını satın alan AFFA prezidenti futbolçuları da, ölkə rəhbərliyini də, xalqı da aldadır; büdcəni isə dağıdır

Azərbaycanın futbol üzrə milli komandasının 2010-cu il dünya çempionatının seçmə oyunları çərçivəsində son iki matçlarının nəticələrinin əvvəlcədən razılaşdırılması ehtimalları barədə oxucularımıza məlumat vermişdik. Yerli və Rusiya mətbuatında da yığma komandamızın Lixtenşteynə səfərdə qələbə qazanması (2:0), Rusiya ilə Bakıda heç-heçə (1:1) oynamasının çox şübhəli nəticələr olduğu haqda bilgilər yer alıb. Son iki oyunda komandamızın rəqiblərinin bilərəkdən zəif oynadığını isə hətta Rusiyanın ən məşhur idman şərhçiləri də qabartmaqdan çəkinmirdilər.

Ötən gün söhbət açdığımız şübhəli oyunlarla bağlı daha dəqiq və etibarlı yerdən şok məlumatlar əldə etdik. Bəlli olur ki, həqiqətən mili komandamız Lixtenşteyn və Rusiya ilə oyunlarda əldə etdiyi nəticələri öz gücünə deyil, pulun hesabına qazanıb. Bizi məlumatlandıran isə adının çəkilməsini istəməyən Azərbaycanın ən məşhur futbolçularından, daha sonra məşqçilərindən biri, futbol təsərrüfatında böyük hörmət sahibi olan şəxsdir.
Əməkdaşımıza bilgi verən məşhur futbol adamı konkret faktlar da açıqlamaqdan çəkinmədi. Bildirdi ki, AFFA rəhbərliyi Lixtenşteyn üzərində qələbəyə görə hər oyunçuya 40 min manat (!) mükafat nəzərdə tutubmuş. Amma oyunçuların hərəsinə səfər qələbəsinin müqabilində cəmi 5 min manat çatıb. Hər futbolçunun mükafatından tutulan 35 min manat isə Lixtenşteynlə danışılan oyuna ötürülüb. Təbii ki, ilk baxışdan «cırtdan ölkə»nin komandası ilə oyunda 40 min manat mükafatın ayrılması inandırıcı görünməyə bilər. Bunun səbəblərinə az sonra toxunacağıq.
Əməkdaşımızı məlumatlandıran futbol mütəxəssisi qeyd etdi ki, yığmamızın Rusiya ilə Bakıdakı oyununda da AFFA rəhbərliyi şəffaf oyuna yox, bağlı qapılar arxasında aparılan çirkli söhbətə üstünlük verib. Bakıdakı oyun ruslar üçün heç bir əhəmiyyət kəsb etmədiyindən AFFA öz çirkin əməlini həyata keçirərək Rusiya ilə matçın nəticəsini də böyük pullar hesabına əvvəlcədən razılaşdıra bilib.
Məşhur futbol adamı əməkdaşımıza izah edib ki, Rusiya və Lixtenşteynlə oyunun alınması AFFA prezidenti Rövnəq Abdullayevin dövlət başçısından gizli planı olub. Azərbaycan komandası dünya çempionatının seçmə mərhələsində biabırçı şəkildə çıxış etdiyindən İlham Əliyev AFFA prezidentinin işindən narazı qalıb: «Prezident idman işini biləndir və bu sahəyə diqqət ayırır. Həm də büdcədən böyük pullar xərclənir. Rövnəq Abdullayev isə ona tapşırılan sahəni - futbolu batırıb. Üstəlik, burada ciddi maliyyə maxinasiyalarına, böyük yeyintilərə yol verir. Artıq danışılır ki, prezidentdə onun işi ilə bağlı ciddi narazılıq var».
Rövnəq Abdulayev isə son iki oyunda pulla nəticə qazanaraq dövlət başçısının yanında özünü təmizə çıxarmağa çalışıb. AFFA rəhbərinin söhbət açdığımız oyunların alınmasına konkret hansı məbləğdə para verdiyi barədə bizi məlumatlandıran futbol adamı məlumatsızdır: «Rəqəm konkret deyil. Amma görünən odur ki, söhbət milyon dollarlardan gedir».
Bayaq toxunduğumuz 40 min manat məsələsinə gəlincə isə Rövnəq Abdullayev danışılan oyunların pulunu mükafat fondundan ayrılan paralarla ödəmək üçün ağlagəlməz «premya» müəyyənləşdirib və bu pulu dövlətdən məhz bu adla alıb. Bu yolla pullar daha rahat silinir, birincidən xəbərsiz çirkli işlər həyata keçirilir.
Bizi məlumatlandıran məşhur futbol adamı yığma komandanın almaniyalı baş məşqçisi Berti Foqtsa da müqavilədə nəzərdə tutulan qədər pul verilmədiyini söylədi. Belə ki, mətbuatdan gizli saxlanılan anlaşmada əcnəbi çalışdırıcının illik məvacibi 2 milyon avro civarındadır; amma Foqtsa bunun yalnız bir hissəsi verilir, qalan paralar isə ciblərə gedir.
Bakıda milli komandamızla yoldaşlıq oyunu keçirən İspaniya yığmasının da Rövnəq Abdullayevin ayırdığı milyonlar hesabına paytaxtımıza gəldiyi barədə də çox yazılıb. Hətta İspaniyanın ən məşhur idman nəşrləri də dünya reytinqində ilk yeri tutan milli komandalarının Bakıya ancaq cəlbedici pul müqabilində yollanmalarının mümkünlüyünü qabartmışdılar. Həmin vaxt Azərbaycan və İspaniya mətbuatı ulduzlar toplusundan ibarət ispanların Bakıya 1-2 milyon avro qarşılığında gəldiyini iddia etmişdilər. Amma ötən gün bizi bilgiləndirən futbol adamı ispanların Bakıda oynamağa razılıq vermələri üçün 7 milyon dollar aldıqlarını da əminliklə söylədi.
İspanların Bakıya gəlməsinin isə maraqlı bir tarixçəsi olub. Belə ki, Rövnəq Abdullayevin oğlu İngiltərənin «Liverpul» klubunda oynayan ispan oyunçu Fernando Torresin azarkeşidir. Balaca Abdullayev atasından Torresi Bakıya gətirtməyi xahiş edib. Nəticədə ata oğlunun sözünü yerə salmayaraq 7 milyon dollar sayaraq İspaniya yığmasının tərkibində Torresi Bakıya gətizdirib. Bakıda 6:0 hesabı ilə İspaniyanın xeyrinə başa çatan oyundan sonra isə AFFA prezidentinin oğlu Torreslə söhbətləşib, şəkil çəkdirib...

***

Beləliklə, futbol təsərrüfatında onsuz da bərbad olan durum hörmətli Rövnəq müəllimin zəhməti sayəsində daha da bərbad, çirkli hala gəlmişdir. Azərbaycan futbolunu korrupsiya, yerliçilik, rüşvət başına götürüb. Cənab Abdullayev bu sahədən uzaqlaşdırılmayınca, nə futbol olacaq, nə də büdcədə pul qalacaq...

Nicat İSAYEV

4678 dəfə baxılıb

İSA QƏMBƏR CNN TÜRK-də QONAQ OLACAQ | Yeni Musavat

İSA QƏMBƏR CNN TÜRK-də QONAQ OLACAQ | Yeni Musavat

30.10.2009 [14:02]
İSA QƏMBƏR CNN TÜRK-də QONAQ OLACAQ

Xəbər verdiyimiz kimi, Müsavat Partiyasının başqanı İsa Qəmbər oktyabrın 29-dan etibarən Türkiyədə səfərdədir. Müsavat başqanı bir sıra ictimai-siyasi dairələrdə görüşlər keçirir, elektron KİV quruluşlarında çıxışlar edir, yazılı mətbuata müsahibələr verir. Dünən Bakı vaxtı ilə saat 21-də İsa Qəmbər “Kanal 1” telekanalının qonağı olub, gündəmdə olan məsələlər barədə öz fikirləri açıqlayıb.
Bu gün isə Müsavat başqanı Türkiyədə, ümumiyyətlə regionda ən nüfuzlu və geniş auditoriyalı başqa bir telekanalda – CNN Türk-də tanınmış jurnalist Taha Akyolun müəllifi olduğu “Əyrisi-doğrusu” proqramının qonağı olacaq olacaq. Müsavat başqanının çıxışı yerli vaxtla 21, Bakı vaxtı ilə 23-də nəzərdə tutulur.

Xatırladaq ki, İsa Qəmbərin Türkiyəyə səfəri son vaxtlar bir qədər gərginləşmiş Türkiyə-Azərbaycan münasibətlərinin fonunda baş tutub və məqsəd hər iki ölkənin ortaq mənafeyinə aid olan məsələlərdə düzgün rəy formalaşdırmaq, ölkəmizin ümdə maraqlarının nədən ibarət olduğunu qardaş ölkənin ictimaiyyətinə çatdırmaqdır.

musavat.com

626 dəfə baxılıb

Balsam für die Bonner Seele (30.10.2009) | Bonn | Lokales | General-Anzeiger Online - Bonn

Balsam für die Bonner Seele (30.10.2009) | Bonn | Lokales | General-Anzeiger Online - Bonn

Balsam für die Bonner Seele
Dirk Niebel wirbt im Entwicklungsministerium um Vertrauen

Von Lutz Warkalla

Großartige Arbeit : Dirk Niebel über sein BMZ.Bonn. Der Minister lässt auf sich warten. Mit zehn Minuten Verspätung tritt Dirk Niebel am ersten Dienstsitz in Bonn vor die Mitarbeiter des Entwicklungsministeriums, die sichtlich gespannt den ersten Auftritt des neuen Chefs erwarten.
www.moser-kliniken.de

Als er dann im überfüllten Foyer des ehemaligen Bundeskanzleramtes erscheint, ist der Applaus verhalten. Natürlich kennen alle seine Forderungen aus dem Wahlkampf, das Bundesministerium für wirtschaftliche Zusammenarbeit und Entwicklung (BMZ) aufzulösen und ins Auswärtige Amt zu integrieren.

Dass Niebel nicht einmal 24 Stunden verstreichen ließ, um sich nach der Amtsübergabe in Berlin auch in Bonn zu präsentieren, sorgt schon mal für Erleichterung. "Die Bonner Seele ist da etwas empfindlich", sagt der stellvertretende Betriebsratsvorsitzende Dominik Ziller, und jeder im Saal weiß, auf wen diese Anspielung zielt: Amtsvorgängerin Heidemarie Wieczorek-Zeul (SPD). 613 von 750 BMZ-Mitarbeitern arbeiten in Bonn, und dort hat man das Gefühl, in den letzten Jahren "etwas stiefkindlich behandelt worden zu sein".

Niebel wäre nicht Politik-Profi, würde er diesen Ball nicht aufnehmen. Und so streichelt er die Bonner Seele: "Natürlich wäre ich gern zur Amtsübergabe zuerst nach Bonn gekommen", sagt er, aber "die Amtsvorgängerin" habe sich zuvor schon am ersten Dienstsitz verabschiedet gehabt.

Deshalb die umgekehrte Reihenfolge, erst Berlin, dann Bonn. "Aber dass hier der erste Dienstsitz ist, ist mir schon bewusst." Und dann erinnert er an Walter Scheel, der 1961 in Bonn als erster Entwicklungsminister vereidigt wurde. Schon damals habe die FDP "die Notwendigkeit erkannt, dass die wachsenden entwicklungspolitischen Herausforderungen durch ein eigenes Ressort begleitet werden". Und auch in Zukunft, fügt er dann hinzu, "wird die institutionelle Eigenständigkeit des Entwicklungsministeriums bestehen bleiben". Da war er also, der lang erwartete Satz, und diesmal gibt es deutlich mehr als verhaltenen Applaus.

Das Streicheln geht weiter: Eine "großartige Arbeit" machten die BMZler, "unser Haus ist ein Aushängeschild für Deutschland", "Sie können sicher sein, dass wir Kurs halten". Vergessen ist der Wahlkampf-Niebel, der BMZ-Chef scheint im neuen Haus schon angekommen. Die liberale Handschrift, die seinen Entwicklungsbegriff prägt, ist freilich unverkennbar: Niebel spricht von Emanzipation und Selbstbestimmung, wendet sich gegen "Dauersubventionen und ständige Bevormundung, die Abhängigkeiten schaffen", unterstreicht die Rolle von Nichtregierungsorganisationen, Kirchen, politischen Stiftungen und Privatwirtschaft in der Entwicklungszusammenarbeit.

Eigentlich ist der aus Hamburg stammende Niebel, der bei der Bundeswehr als Fallschirmjäger ausgebildet wurde, studierter Verwaltungswirt und Arbeitsmarktexperte. Was so einer denn in der Entwicklungspolitik suche, sei er gefragt worden. Seine Antwort: "Ich glaube, hier gibt es jede Menge Arbeit, und das ist eine sehr soziale Arbeit. Also bin ich doch irgendwie bei Arbeit und Soziales gelandet." Aber nur irgendwie, denn Neuland ist es ja trotzdem: "Ich weiß, dass ich jede Menge lernen muss."

Demonstrativ nutzt er die Gelegenheit, um die tags zuvor in Berlin ernannte Parlamentarische Staatssekretärin jetzt hier in Bonn zu vereidigen. Gudrun Kopp, Bezirkschefin der FDP Ostwestfalen-Lippe, verweist auf ihre Erfahrungen als Fraktionssprecherin für Welthandelsfragen und Energiepolitik, um zu unterstreichen: Entwicklungspolitik ist für sie kein Fremdwort.

Und sosehr ihr Chef schon um die Bonner Sympathien gebuhlt hat, sie setzt noch eins oben drauf. Mit der stiefkindlichen Behandlung der Bonner BMZler soll künftig Schluss sein: "Sie werden erleben", kündigt sie an, "Berlin rückt näher an Bonn."
Artikel vom 30.10.2009

TÜRKİYƏLİ DEPUTATLAR BAKIDA GÖRÜŞLƏRƏ BAŞLADI | Yeni Musavat

TÜRKİYƏLİ DEPUTATLAR BAKIDA GÖRÜŞLƏRƏ BAŞLADI | Yeni Musavat